[حلوة الطباع]

السلام عليكم ورحمة الله وبركاته
كيف حالكم ؟؟ ان شاءالله بخير
المهم خليني ادخل في الموضوع على طووول
انا عندي مشكلة واتمنى من الكل الي عنده الفايده يساعدني ويقولي الحل عسى ان الله يجعله في ميزان حسناته ولا ماعنده الحل يساعدني بالدعاء والله يجزي الجميع كل الخير
انا لي تقريبا 7 سنين وانا اعاني من مرض اسمه ( الشقيقة ) او بلأصح ( الصداع النصفي ) وماله علاج نهائيا ورحت ولفيت المستشفيات وكلهم يقولوا نفس الكلام أنو مالها علاج لها فقط ( مسكنات) والله العظيم ومالكم علي يمين أنو لمن يجيني الصداع والألم في الراس خلااااااااااااااص الدنيا تضيق فيني ومااصير طايقه نفسي كمان ماابغى لاأنوار ولا أصوات ولا أشوف أي أحد قدامي ولا أبغى حتى همس أبغى أكون في هدؤؤؤؤ ويجلس الصداع معايا أكتر شئ 3 أيام بلياليها والله تعب تعب تعب لا يمكن انكم تتصوروه وبالذات طبعا اذ جا من جهة وحده هو لو يجني من الرأس كله يهون عليا لكنه يمسكني أحيانا من جهة اليسار كلها فقط واحيانا من جهة اليمين كلها فقط وخلاص أحس أنو ماني قادرة أستحمل والله أخذ المسكنات ومافي فايدة وأخذ أقوى نوع من ( فيفادول بلص) قوته 500 أخذ حبتين رغم كده مافي فايدة راسي يهدأ شويه بس يخف الألم في ناس قالولي أني أربط راسي بقوة بقطعه قماش ويخف الألم جربتها يخف بس مو كتير
رجاااااااااااااء كل من قراء أنو يفيدني أذ كان عنده الفائدة واذ مايعرف شئ عن علاج او عن المرض نفسه يدعيلي فقط أنو ربي يشفيني لأنو بجد الألم ربي لا يحسس فيه مسلم لأنه محد يقدر يستحمله ......
وأشكر كل واحد أعطاني جزء من وقته وقراء موضوعي وشكرا ......

[حلوة الطباع]

اتمنى فعلا كل من قرأ موضوعي يدعيلي ويفيدني لو في أحد مر عليه نفس حالتي

[حلوة الطباع]

بصراحة ماكنت أتوقع من أعضاء المنتدى ومن دون تحديد الأمبالاة بموضوعي وبعدين ماراح يكلف عليكم شئ لو أنكم علقتم أو كتبتم دعوة تجبر الخاطر لكن على العموم الشكر للجميع

[همسه]

هلا حلوة الطباع حبيبتي

لا تهتمي هو بس هناك بعض المشاكل بالمنتدى

والتي لم يستطع البعض الدخول او الرد عليك

الله يشفيك وما تشوفي شر

حالتك كانت عند وحده وما قلت الاعراض الا لما كانت تقرا ايات الشفاء وتشرب

ماء مقروء عليه قران ان شاء الله بحاول اعرف لك الايات بخبرك

والله يشفيك وسمعت كمان ان فيه اعشاب لهالمرض اسالي وشوفي اذا موجوده

تحياااتي

[حلوة الطباع]

مشكورة حبيبتي همسة على اهتمامك وربي يجبر خاطرك

[Gadier]

السلام عليكم ورحمة الله وبركاته. دعواتي لكي بالشفاء وفعلا الصداع النصفي لا يوصف له الا المسكنات وارجوا ان تاخذي الحذر من كثرة المسكنات.

[ام مهـــ ن ـــد]

حلوة الــ ط ــباع....


يا دلبو متل ماقلت لك قبل ...

طبياً للاسف ما لك غير المسكنات...


والمفروض ان دكتورك يوصف لك مسكن افضل من الفيفادول بلص...


وانا من رآي انك لا تلجأي للمسكانت القويه لان كثرة اخذها ممكن بعد كدا ما يأثر عليك...


لان الجسم يتعود عليه ...


وان شاء الله اي جديد احصله بعطيك خبر عنه يا دلبوو...

وربي يكون في عونك ويشفيك...



تحيــاتيـ الــعــطــرهـ...

[Dr. Muhannad]

الله يشفيك ويعافيك ويعينك

وان شاء الله تكون تخفيف ذنوب

والله ماعندي اي خلفية عن ذا الموضوع

انا اسف لأني مااقدر افيدك

تقبلي مروري

[حلوة الطباع]

مشكورين حبايب قلبي أهم شي مروركم ودعواتكم الصادقة حتى لو ماكان عندكم خلفية عن الموضوع وحبيبتي أم مهند الدكتور اعطاني علاجين غير فيفادول بلص جدا قويه في البداية كانت تأثر ويروح الصداع أما الأن لأ بس الحمدلله على كل حال ومشكورين حبايبي

[مهد الغرام]

حلوه الطباع مثل مقالت اختي صارت مشاكل بالمنتدى ولا بين الرد
وارجع اقولك الله يشفيك ويبقيك لاهلكــ حبيبتي
تحياتي لج