[مرطب شفايف]

[center]

الفرق بين مهند و شباب الخليج


- مهند -


يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :


( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )


- شباب الخليج -

يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :


( بسرعه حطي الغدا ميت يوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )


.
.


- مهند -


نور حامل .. يا الله على الدلع ! خايف عليها من نسمة الهوا .. ويقولها :


( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )


- شباب الخليج -


مرت الخليجي حامل ! ومسكينه الحرمه متنسيه بـ تفاح اخضر .. عاد يقولها :


( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )


.
.


- مهند -


مهند طالع مع نور السوق .. يشترون لهم هدوم .. ودار الحوار التالي :


نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !


- شباب الخليج -


الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..


وكل اللي قاله ( بسرعه خلصي .. ابي ألحق على ديوانية الربع ) !


.
.


- مهند -


قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها


( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )


- شباب الخليج -


قام من النوم نص الليل .. ما شاف زوجته يمه .. فتح الليتات .. قام يصارخ :


( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )


.
.


- مهند -


قاعد يقرا كتاب .. وفجاه ياته نور .. لابسه فستان يديد .. وصار هالحوار ..


نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..


- شباب الخليج -


قاعد يطالع مباراه ريال مدريد وبرشلونه .. خو شبابنا مو مال كتب وثقافه !
و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :


الخليجي : قوووووووووووومي قامت ركبّج وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني اليديد .. شرايك ؟!
الخليجي : وجذي تخربين علي المباراه .. ما شفت حركة رونالدينهو الحين طافتني كله منج !
الزوجه : انزين عاااد .. شرايك بالفستان ؟!
الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة البصل وايد احلى .. مخصره خيشة البصل ما تفرق !!!.

ههههههههههههههههههههههههه ه

اظن لهذا حالات الطلاق كثرت خخخخخ

و بدون زعل ..
تحيتي لكم

["just me"]

هههههههااااي

كلامك صح في صح هههههه

يسلمووو

[اللولي]

هههههههههههههههه
احلى شئ عجبني حوار شباب الخليج <<ماسمعتي المثل اللي يقول مايطقك الا اللي يحبك<<لايكثر
وبعدين المشاكل ملح الحياه <<اشتغل التفلسف
بس من جد ماارضى على شباب الخليج تقارنينهم بواحد مثل هذا

يرجع من الدوام في الشركة .. <<يرجع راايق لانه مدير الشركه محد يكلمه وهذا غير الاجواء اللي تسااعد
لكن المساكين هذولا يجوون منكرفين والحر بعد يزيد زين مايكفخون اللي قدامهم ..<<<صاايره محامي دفااع
بس من جد موضوع حلو من حلوه
تسلمين مرطب شفايف على موضوعك المسلي
الله لايحرمنا منك
اللوولي

[بنوته زي التوته]

يسلموووووووووووو ع الموضوع
بس الصراحه مافي احلى من شباب الخليج تحسينهم رجال بمعنى الكلمه مو مهند اللي مادري ليش ميتين عليه البنات وبعدين يقولون عندنا من حبك دبك وصدقيني اذا حتجتيه ماتلقين احن منه

[مطعم توته]

هع هع هع هع هع

واللـــــــــــه كلااامك رهيييييييييييييييييب
وصفتي الشبااااب الخليجي وصف ولاااا أحـــلى
تقبلي مروري
تحياااااااااتي

[مهد الغرام]

طيب ع الكلام كله ليه ماتعلمتم منه
وهــــــ ياقلبي

[البنت الحزين]

الموضع رااااائع يبغال هتمام رووووعة وشكر وتقدير

[人•وَحِ.ـيِدّ ڪَالقَمَ.ـرّ•人√]

ههههههههه .. يسلمو في بعض الرجال كذا مو كلهم

[بدون تعليق]

ههههههههههههههههههههههههههههههههههههههههههههههههه
حلللللللللللللللللللللللللللللللللللللوه هذا عيب عيال الخليج بح رومانصيه
بس فيه بعضهم رومانسيين

[بنت الغلاااا]

عقب هذه كله ان شاء يتعلعمون من مهند