غـــــرام احــبـــاب....

**شغب أنثى** · #1 (**permalink**) 04-20-2008, 12:24 AM

---------------------------------------------------
على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني

---------------------------------------------------

المبدع =حامد زيد

**صعب المنال** · #2 (**permalink**) 04-20-2008, 02:36 AM

قصائد حامد زيد دوماً مبدعه و رائعه
و غرام احباب احد الاعلام الشامخة لهذا الشاعر

شكراً لهذا الاختيار

**غروب شمس** · #3 (**permalink**) 04-20-2008, 05:21 PM

يسلموو آختي روووووووعه
يعطيكي الله الف عافيه
ولاترحمينا من جديدك يا الغلا
Thank you

تحيآآتي

**شغب أنثى** · #4 (**permalink**) 04-20-2008, 09:07 PM

شـكـرا......

لكم............

على مروركم الروعه....

نورتو صفحتي...........

**الحب سامي9** · #5 (**permalink**) 04-20-2008, 11:19 PM

حامد زيد ابداع

اختكـ,, الحب سامي9

**شغب أنثى** · #6 (**permalink**) 04-21-2008, 04:42 PM

اقتباس:

المشاركة الأصلية كتبت بواسطة الحب سامي9

حامد زيد ابداع

اختكـ,, الحب سامي9

الله يسلم قلبك....

اسعدني مرورك.......

bodor · #7 (**permalink**) 07-25-2008, 06:32 PM

بصـــــــــــرااااحــــــــهـ روووووووعـــــــــهـ ويكفي انــــــــ كاااتبه المووظوع>>= نوف=

**الامبراطور** · #8 (**permalink**) 07-25-2008, 07:14 PM

طبعااااااااا قصيده روعه للمبدع دائما والمتالق في الخليج والعالم العربي وهذا مو شي غريب

عليه ,,,,,,,,,,,,,,,

تسلمين نوف طرح روعه ونقل رائع الف الف شكر ,,,,,,,,,,,,,

**انا جوجو** · #9 (**permalink**) 07-26-2008, 05:57 PM

الله يعــــطيك العاافية على الاختــيار الرائــع

لشااعر دائما مبــدعة

تقبلي مــروري

**شغب أنثى** · #10 (**permalink**) 07-27-2008, 05:05 AM

أشكر لكم مروركم الرائع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الملاحظــات
الاخ الزائر يمنع منعاً باتاً التسجيل بالارقام او بالكلمات الغير مفهومه مالم سيتم حذف العضويه وتوقيفها